جاوب متابعينك مرة، وانشرها في كل حساباتك
جمهورك موجود. Grasp يجمع أسئلتهم في مكان واحد، ويحوّل كل جواب لمنشور للستوري أو إكس أو تيك توك بضغطة، ويخلّي منتجاتك وبرامجك وعملاءك في رابط واحد. مجاني لك ولهم.
كل جواب، منشور جاهز
متابعينك يسألونك في صفحتك، ولو يبون بدون اسمهم. تكتب الجواب مرة، وتنشره بطاقة ستوري، أو ملصق فوق مقطعك، أو تغريدة. والسؤال اللي يتكرر، جوابه جاهز برابط.

«وش تستخدم؟» انحلّت
البروتين، والستراب، والجزمة: كل منتج برابطك وكودك، في مكان واحد يوديهم له البايو. وتشوف كم واحد ضغط على كل منتج، سواء تاخذ عمولة أو بس ترتاح من نفس السؤال في الخاص.

برامج تحسب الأوزان
ابنِ برنامجك يوم بيوم من أكثر من 600 تمرين، وحط فيديو يوتيوب منك على أي تمرين عشان يأدّونه مثل ما تعلّمهم، وانشره للكل أو خلّه لعملائك. وGrasp يحسب أوزان كل متدرب من اللي يسجّله، ويرفعها كل ما قوي.

عملاؤك بنظرة
ادعُ عملاءك برابط. تشوف مين تمرّن، ومين غاب مرتين ورا بعض، ومين متأخر، وترسل لكل واحد برنامجه. وحطهم في شلة تتنافس مع باقي الشلل في الترتيب.

رابط واحد للبايو
صفحتك فيها إنستقرامك وتيك توكك وسنابك وواتسابك، وأجوبتك ومنتجاتك وبرامجك ونتائج متدربينك، وعلامة التوثيق جنب اسمك. رابط واحد في البايو، وكل شي وراه.

وناس جدد يلقونك
برامجك في المكتبة جنب برامج Grasp، واسمك في قائمة المدربين، فاللي ما يتابعك للحين يقدر يلقاك.

ابدأ بثلاث خطوات
- نزّل Grasp وسجّل دخولك.
- اضغط على اسمك في «أنت»، ثم «أنت مدرب؟»، وعبّ صفحتك وروابطك ومنتجاتك.
- حط رابط صفحتك في البايو، وانشر أول جواب.
